![return button](https://blog.jobmatriz.com/wp-content/themes/JobMatriz_blog/assets/images/return.png)
網絡熱話《 山道猴子的一生 》製作需具備四個 斜槓族 職業技能
![](https://blog.jobmatriz.com/wp-content/uploads/2023/11/JM-Instagram-memes.jpg)
台灣網絡社群出現一個現象級爆紅嘅迷因動畫《 山道猴子的一生 》,網民紛紛表示呢兩條幾十分鐘嘅動畫「有共鳴」、「深入淺出帶出社會現象」、「發人深省」、「劇情完全適用在每個人身上」等嘅評價,甚至紅到香港。網上已經有大量劇情分析同內容解說,今日就唔同大家詳細講呢方面嘅話題。今日同大家淺談一下,究竟製作《 山道猴子的一生 》嘅作者 Eric Duan 需要具備咩技能同觸覺。而呢類技能係唔少 斜槓族 都掌握住,不如睇下你又識唔識啦!
【製作動畫嘅能力】
作為一部創作動畫,當然唔少得動畫製作嘅技能。雖然整體製作得唔算精細,甚至有少少粗糙,但作為動畫而言,佢有足夠既流暢度同埋結構有編排過,整體觀感拿捏得妥當。簡筆風格嘅粗糙畫面雖然唔係特別美觀,但同時有醜化的黑色幽默效果,令觀眾更容易入口。
【使用AI合成配音】
動畫入面冇特別製作配音,而係轉用目前更為常見的AI語音合成技術,製作出毫無感情、甚至有少少機械感的聲線,令人感覺熟悉又陌生。加上AI語音合成嘅技術,比起傳統嘅配音方式更加容易製作,適合非職業人士。
【運用Wojak迷因製作】
作者採用廣為人知嘅迷因製作,而唔係選擇原創角色。呢種去中心化嘅處理方式令觀眾更加有親切感同埋共鳴,迷因嘅形象本來存有既定印象,令人一目了然人物嘅象徵意義。而呢種取材手法亦拉近同觀眾嘅距離,係市場上取得更加好嘅成果。
【貼地嘅劇本編排】
毫無疑問,呢部動畫爆紅嘅原因絕對唔少得優秀嘅劇本。真實貼地、黑色幽默、同時影射社會現況,令觀眾產生強烈嘅認同,甚至勾起記憶深處嘅共鳴,扣人心弦。角色之間嘅台詞非常簡單,就係朋友之間嘅日常對話,生動怪誕,卻又隱喻社會現象,帶出道德教育意義。
其實上述作者嘅技能同觸覺都係好多斜槓族需要學會,甚至已經掌握嘅。佢地不但需要有一定程度製作多媒體嘅技能,更需要識得把握觀眾口味,眼光可以展望市場需求。相信作者係因為擁有上述條件,所以先可以係流行幾分鐘嘅短影片時代下,製作出成功引起迴響嘅幾十分鐘長影片。
延伸閱讀: 斜槓族Slasher是甚麼?關於斜槓族你必須要知道的三件事! 我究竟適合做甚麼類型的工作?看看自己的MBTI!(上) – 內向者 我究竟適合做甚麼類型的工作?看看自己的MBTI!(下) – 外向者
立即上JobMatriz,發掘你斜槓人生的可能性!